Pakistanın xarici işlər naziri Məhəmməd İshaq Dar ilə iranlı həmkarı Abbas Əraqçi arasında telefon danışığı baş tutub.

Bu barədə Abbas Əraqçi sosial media hesabında paylaşım edib.

Qeyd edilib ki, danışıqlar zamanı tərəflər İranın hazırkı vəziyyəti və geniş spektrli regional məsələlər barədə fikir mübadiləsi aparıblar.

Məhəmməd İshaq Dar sülh və sabitliyin qorunması ilə bağlı ümidlərini ifadə edib. Hər iki tərəf qarşılıqlı maraq doğuran məsələlər üzrə ikitərəfli məsləhətləşmələri davam etdirməyə razılıq verib.