“Pakistan, Səudiyyə Ərəbistanı və Türkiyə arasında formalaşan əməkdaşlıq, İslam dünyasında nüfuzlu siyasi-hərbi qrupun yaranmasına yönəlir. İttifaq ilkin mərhələdə iki ölkə arasında qurulub, Türkiyənin qoşulması ilə daha da güclənib və regionda strateji təsir imkanlarını artırır”.

Bu fikirləri politoıoq Zeynal Əmrəliyev “xalqcebhesi.az”a açıqlamasında bildirib.

O qeyd edib ki,Türkiyə böyük siyasi və hərbi gücə, Pakistan nüvə potensialına, Səudiyyə Ərəbistanı isə ciddi iqtisadi imkanlara malikdir:
“Bu üç ölkənin birgə hərəkəti və ABŞ, digər Qərb dövlətləri ilə münasibətləri qlobal güclərə açıq mesajdır. İslam coğrafiyasında öz gücünü qoruyan ölkələr gələcəkdə baş verəcək hadisələrdə söz sahibi olmaq niyyətindədir. İttifaq yaxın Şərqdə, xüsusilə İran ətrafında baş verən son hadisələr fonunda yaranıb və regionda baş verəcək proseslərdə həlledici rol oynaya, gələcəkdə digər ölkələrin də qoşulması ilə genişlənə bilər.

Günel Elxan