Azərbaycan Mərkəzi Bankının (AMB) valyuta ehtiyatları bu ilin fevral ayının 1-nə 10 milyard 988.5 milyon ABŞ dolları təşkil edib.

"APA-Economics" bu barədə AMB-yə istinadən xəbər verir.

Məlumata görə, son bir ildə Mərkəzi Bankın ehtiyatları 5.6% və 648.5 milyon dollar azalıb.

Qeyd edək ki, AMB-nin valyuta ehtiyatları son bir ayda artıb. Belə ki, bu göstərici yanvarın 1-i ilə müqayisədə 29 milyon dollar və ya 0.3% artıb.