Bakı şəhəri və Biləsuvar rayonlarında salınmış məcburi köçkün qəsəbələrində yerləşən mənzillərin, fərdi yaşayış evlərinin, binaların dam örtüyünün və qəsəbədaxili çınqıl yolun təmiri məqsədilə tender elan edilib.

"APA-Economics" xəbər verir ki, Qaçqınların və Məcburi Köçkünlərin İşləri üzrə Dövlət Komitəsinin Mənzil İstismar Departamentinin elan etdiyi tenderin ehtimal olunan dəyəri 1 milyon 416 min 746 manatdır.

Tenderdə iştirak haqqı 600 manatdır. Təkliflərin qəbul edilmə vaxtı 9 sentyabr 2025-ci ildə başa çatacaq. Zərflər təkliflərin qəbul edilmə vaxtının bitdiyi gün açılacaq.