“Azərbaycan, Rusiya və İran hökumət nümayəndələrinin üçtərəfli görüşü keçirilir. Bu görüş yalnız Azərbaycan üçün deyil, bütün region ölkələri üçün vacib əhəmiyyət kəsb edir. Görüşün əsas mövzusu şimal-cənub nəqliyyat dəhlizinin inkişafı və ölkələrarası ticarətin asanlaşdırılması, o cümlədən gömrük rüsumlarının optimallaşdırılması məsələləridir”.

Bu sözləri "Xalq Cəbhəsi"nə iqtisadçı ekspert Emin Qəribli söyləyib.

Ekspert vurğulayıb ki, bu layihələrin həyata keçirilməsi son dövrlər müəyyən qədər zəifləsə də, üçtərəfli görüşlərin keçirilməsi və razılaşmaların əldə olunması region üçün çox önəmlidir: "Şimal-cənub dəhlizi yalnız əsas xətt deyil, alternativ yollarla da şaxələndirilə bilər və gələcəkdə Zəngəzur dəhlizi ilə Lənkəran istiqamətində əlavə xəttlərin reallaşdırılması regionun iqtisadi və sənaye potensialını daha da gücləndirəcək".

Günel Elxan