"Azəriqaz" İstehsalat Birliyi Ramazan bayramındakı qeyri-iş günlərində Mərdəkan, Xırdalan və Sabunçu xidmət sahələri, eləcə də Bakı Regional Qazın Satışı Departamentinin inzibati binasında (Nizami rayonu, Babək pr. 21/24) səhər saat 10:00-dan saat 17:00-dək müştəri xidmətləri göstərəcək.
Birlikdən bildirilib ki, xidmətlərə aşağıdakılar daxildir:
• itirilmiş və ya zədələnmiş smart kartların bərpası;
• yeni qazlaşma nəticəsində quraşdırılmış smart tipli sayğacın kartının verilməsi;
• qüsurlu ödənişlərin bərpası;
• smart tipli sayğacların əvəz olunması səbəbindən yeni smart kartların verilməsi;
• koda düşmüş kartların bərpası;
• qaz sərfiyatına görə dəymiş ziyanın ödənilməsi;
• dini qurumlara limitlərin verilməsi;
• smart tipli sayğaclarda istifadə edilməyən məbləğlərin abonent koduna köçürülməsi;
• borc və ödəniş haqqında məlumatların verilməsi.