“Qardaş Türkiyə dəhşətli zəlzələnin nəticələrini ortadan qaldırmaqla məşğuldur. Dağıntılar arasında insanların xilas edilməsi əsas vəzifədir. Azərbaycan qardaş və müttəfiq Türkiyəyə yardıma tələsən ilk dövlətlərdəndir. Başqa cür ola da bilməz”. Xalqcəbhəsi.az xəbər verir ki, bu fikirləri Milli Məclisin sədr müavini Adil Əliyev deyib. A.Əliyev bildirib ki, Türkiyə İkinci Qarabağ müharibəsində Azərbaycana dəstəyini əsirgəmədi, qardaşımızın yanımızda varlığı bütöv Azərbaycana və düşmənlə savaşan cəsur döyüşçülərimizə ruh yüksəkliyi verirdi. İndi, hər bir vətəndaşımız Türkiyənin acısını paylaşır, maliyyə imkanından asılı oilmayaraq nə cür kömək mümkündürsə, köməyini və dəstəyini əsirgəmir”.

Əli