Prezident Administrasiyası tərəfindən Qarabağda yaşayan erməni icması nümayəndələrinin görüşə dəvət olunması unikal bir təklifdir. Azərbaycan hakimiyyəti birbaşa öz vətəndaşı saydığı ermənilərlə dialoqa gedir. Bunu "Xalq Cəbhəsi"nə politoloq Məhəmməd Əsədullazadə deyib.

O, qeyd edib: "Bu Qərbə də mesajdır ki, Azərbaycan onların buradan getməsinə deyil, yüksək səviyyədə qəbul etməyə hazırdır. Amma, Rusiya buna imkan verməyə bilər. Qarabağda yaşayan erməni icması müvəqqəti Rusiyanın əsirliyindədir. Azərbaycan tərəfi heç bir vasitəçisiz danışıqlara hazırdır.
Qeyd edim ki, Bakıda yaşayan uzun müddət Qarabağ ermənisi olmamış olmaz. Erməni icmasının nümayəndəsi kimi elə biri varsa, danışıqlarda istifadə etmək olar. Qarabağda ermənilərin yalnız çıxış yolu reinteqrasiyadır. Rusiya da buna mane ola bilməz.
Yaxin zamanlarda Laçın dəhlizində nəzarət-buraxılış məntəqəsi qurulduqdan sonra bütün bu kimi erməni və rus təxribatlarina son verə bilərik. Ermənilərin və Rusiya sülhməramlı qüvvələrinin nazi ilə çox oynamaq əleyhimizə işləyə bilər. Ermənistan Laçın dəhlizinə BMT faktaraşdırıcı missiyasını dəvət etmək istəyir". Cavid