“Sovetski”də 73 ədəd dövlət reyestrindən keçən tarixi-memarlıq abidəsi mövcuddur.

APA xəbər verir ki, bunu Bakı Şəhər İcra Hakimiyyəti (BŞİH) Başçısı Aparatının şöbə müdiri Rəşid Ağayev jurnalistlərə açıqlamasında deyib.

O bildirib ki, bundan əlavə, 54 ədəd reyestrə düşməyən, lakin xarici görünüşü çox gözəl olan tarixi binaların saxlanılması nəzərdə tutulur.

Onun sözlərinə görə, beləliklə, bu ərazidə 127 ədəd binanın qorunub saxlanılması təmin ediləcək:“Bütün söküntü prosesi həyata keçirildikdən sonra bu binalar yenidən bərpa olunaraq Bakının gözəl bir güşəsinə çevriləcək”.