Tehran şəhəri Evin Həbsxanasında saxlanılan aktivitlər Mürtəza Pərvin, Hüseyn Piri, Tahir Nəqəvi və Kərəm Mərdanənin istintaq prosesi keçirilib.

Gunaz.tv

Abbas Lisani Məlumatlandırma İnternet Səhifəsinin bu barədə xəbərinə əsasən onlar aprelin 14-ü Tehran şəhəri Prokurorluğunun 5-ci İstintaq Şöbəsində istintaq olunaraq verilən suallara qarşı özlərini müdafiə ediblər.

Müstəntiq Nasir Calayir mədəni aktivist və rəssam Mürtəza Prəvinə deyib: “əleyhinizə ittihamlarla razılaşın, mülk zəmanəti qoyuluşu qərarı ilə sizi azad edim”

Pərvin deyib: “mənə qarşı qanunsuz açılmış iş Təhlükəsizlik Nazirliyinin əvvəlcədən hazırladığı ssenaridir. İndiyədək etmədimin hərəkətlər barədə boş və qanunsuz ittihamlarla iş açılıb”

Müsətntiq cavab olaraq deyib: “bu ana kimi ifadə verməyibsən. Lakin indi deyirəm səni çoxmüddətli həbs gözləyir”.

Xatırladaq ki, həmin aktivistlər barədə zəmanət kimi mülk sənədi qoyuluşu qərarının çıxarılması və onlara açılmış işlər barədə istintaqın bitməsinə qədər müvəqqəti azad olunmaları gözlənilir.