Təbrizin "Traxtur" komandasının tərəfdarı və Əhəd Lalənin dəfn mərasimində qarşıdurma yaşanıb.

Gunaz.tv

Bu barədə yerli sosial media fəalları məlumat yayıb.

Bildirilib ki, mülki geyimli məmurlar və yarım hərbi "Bəsic" qüvvələrinin üzvləri "Traxtur" komandasının bayraqları ilə dəfn mərasiminə qatılanlara hücum edib.

Onlar bir neçə nəfəri yaralayıb, "Traxtur" bayraqlarını yığıb aparıb və çox sayda şəxsin dəfn mərasimində iştirakına mane olubar.

Qeyd edək ki, aprelin 12-i İran Premyer Liqasının 23-cü həftəsinin oyunları çərçivəsində Təbrizin "Traxtur" komandası ilə İsfahanın "Zob ahən" komandaları qarşılaşıb.

Təbrizin Səhənd stadionunda keçirilən görüşdə rəqib komandanın 4-1 hesablı qələbəsindən sonra Əhəd Lalə ürək tutması diaqnozu ilə xəstəxanaya yerləşdirilib.

Ağır şok keçirən "Traxtur" tərəfdarının həyatını xilas etmək mümkün olmayıb və o dünyasını dəyişib.