Güney Azərbaycanın Məlikkəndi (indiki Məlikan) şəhər sakini milli aktivist Kərim Fəyyaz Ərədbil Əyaləti Heyran gədiyində qəza nəticəsində dünyasını dəyişib

Gunaz.tv

23 sərnişinlə Təbrizdən Rəşt şəhərinə gedən avtobus 15 aprel tarixində Ərdəbil-Astara yolunun Heyran gədiyində aşaraq dərəyə düşüb. Qəzada 5 sərnişin yerindəcə ölüb, 18 nəfərin yaralandığı bildirilir.

Güneyin hüquqlarının bərpası uğrunda fəaliyyət göstərmiş milli aktivist Kərim Fəyyaz mədəni-siyasi fəaliyyətlərinə görə İranın təhlükəsizlik məmurları tərəfindən dəfələrlə saxlanılıb həbs olunmuşdur.

Xatırladaq ki, Güney Azərbaycanın yollarının təhlükəsizlik əmsalı aşağı olduğuna, həmçinin İran istehsalı nəqliyytat vasitələrinin beynəlxalq standartlara cavab vermədiyinə görə bölgədə yol qazalarının sayı yüksəkdir.

Ərdəbil Əyaləti yol polisi rəsmisinin bildirməsinə istinadən əyalətin şimal yollarının yaşı 50 ili ötdüyünə görə təhlükəli hesab olunur.