Təbrizdə Urmu gölü ətrafında baş verən ekoloji fəlakətə diqqət cəlb etmək üçün "Birlə.ək" kampaniyası adı altında yeni aksiya keçirilib.

Gunaz.tv

Şəhər divarlarına və ictimai yerlərinə Urmu gölünün fotosu olan posterlər yapışıdırlıb.

Posterlərdə "Urmu Araz üçün- gələcək üçün- Azərbaycan üçün- mədənlərimiz üçün" sözləri yazılıb.

Qeyd edək ki, bu, mövsümi yağıntılardan sonra göldə hiss olunan nisbi canlanma ilə bağlı hakimiyyətin başlatdığı təbliğat kampaniyası ilə eyni vaxta təsadüf edir.

Hakimiyyət yağəşlar nəticəsində Urmu gölünə axan çayların daşması, bir neçə milyon kubmetr suyun toplanmasını gölün bərpa layihəsinin icrası ilə əlaqələndirmək istəyir.

Xatırladaq ki, Urmu gölünün maksimum ekoloji su həcmi 30 milyard kubmetr, minimum ekoloji sahəsi isə 4635 kvadrat kilometr olmalıdır.

Ancaq hazırda gölün sahəsi və su həcmi normal ekoloji vəziyyətin təxminən 10 faizini təşkil edir.