Qərbi Azərbaycan əyalətinin Piranşəhr (Xana) şəhərində 17 döyüş silahı və onlara məxsus güllələr aşkarlanaraq götürülüb.

Gunaz.tv

Bu barədə əyalətin baş hakimi Nasir Ətəbatı məlumat verib.

O, silahların fərdi minik avtomobilindən götürüldüyünü, sürücünün saxlanılaraq barəsində cinayət işi açıldığını bildirib.

Həbs edilən şəxsin kimliyi barədə açıqlama verilməyib.

Qeyri-rəsmi məlumatlarda həmin silahların silahlı kürd təşkilatlarına mənsub olduğu deyilir.