Qaşqay türkləri Fars əyalətinin İran parlamentindəki təmsilçisi Calal Rəşidi Kuçinin Azərbaycan Respublikası ilə bağlı təhdid çıxışlarına cavab veriblər.

Gunaz.tv

Bu barədə yerli qaşqay mənbələr məlumat yayıb.

Qaşqay fəallar, İran parlamentinin evinin qapısı və divarlarına Azərbaycan və fars dillərində yazılmış xəbərdarlıq vərəqələri yapışdırıblar.

"Cənab Rəşidi Kuçi; Azərbaycan Respublikasına qarşı olan təhlükə bizə, həm dəqaşqay türklərinə qarşı təhlükədir. Məntiqsiz bəyanatınızdan əl çəkməyinizi barədə sizə xəbərdarlıq edirik. Səbrimizin həddi var və bundan kənara çıxsanız, peşman olacaqsınız. Yaşasın Azərbaycan!",- vərəqələrdə yazılıb.

Qeyd edək ki, İsrailin Dəməşq şəhərində SEPAH komandirlərinin istifadə etdiyi binaya zərbə endirməsundən sonra, Calal Rəşidi Kuçi Azərbaycan Respublikasına qarşı təhdidamiz ifadələr işlədib.

O, İsrailin Azərbaycandakı diplomatik nümayəndəliyinə hücum etməyi tövsiyə edib.

"Sionist rejimin hücumuna cavab olaraq bu ölkənin qonşu ölkələrdəki iplomatik mərkəzlərindən birinə, konkret olaraq Azərbaycandakı nümayəndəliyinə zərbə endirilsin",- Kuçi teklif edib.