Mayın 28-də Qəzvində SEPAH-ın himayəsində olan "Təravət xodro" avtomobil şirkəti tərəfindən aldadıldıqları üçün etiraz aksiyası keçirdikləri üçün həbs edilənlərdən üçünün kimliyi müəyyən edilib.

Gunaz.tv

Bu barədə yerli insan haqları fəalları məlumat yaıb.

Bildirilib ki, təhlükəsizlik məmurları Səccad Məhəmmədbeygi, Mustafa Rəncbər və Əli Beygdelini saxlayaraq naməlum yerə aparıblar.

Qeyd edək ki, adı çəkilən avtomobil şirkəti minlərlə qəzvinlinin pulunu alsa da, illərdir onların avtomobillərini təhvil verməkdən imtina edir.

Bundan əvvəl bir neçə dəfə oxşar aksiya keçirilsə də, qəzvinlilərin nə avtomobilləri, nə də pulları qaytarılır.