İranın müxtəlif şəhərlərində tibb bacılarının tətil və etiraz aksiyalarının davamında avqustun 20-də Güney Azərbaycanın Həmədan şəhərində də oxşar aksiya keçirilib. Bu barədə onlar sosial media platformalarında paylaşım ediblər.

Gunaz.tv

Onlar əmək haqlarının az olması, vaxtında ödənilməməsi və qanunla nəzərdə tutulan başqa hüquqlarının təmin olunmamasına etiraz edirlər.

Bir neçə gündür başlayan etiraz aksiyalarına on minlərlə tibb bacısı qoşulub.

Avqustun 19-da Ərak şəhərində keçirilən aksiyaya polis müdaxilə edib, tibb bacıları döyülüb və onlardan ikisi həbs olunub.

Qeyd edək ki, Ümumdünya Səhiyyə Təşkilatının məlumatına görə, hər 1000 nəfərə ən azı 3 tibb bacısı düşməlidir, lakin İranda bu rəqəm 1,6-dır.