Təbrizin "Traxtur" klubu İran Premyer Liqasının ikinci həftəsinin oyunları çərçivəsində Tehranın "Perspolis" komandasını qəbul edib.

Gunaz.tv

Bu barədə Təbriz mediası məlumat yayıb.

Oyun avqustun 22-i yerli vaxtla axşam saat 20:00-da Təbrizin Səhənd stadionunda keçirilib.

Gərgin keçən qarşılaşma 1-1 hesabı ilə nəticələnib.

"Traxtur"un qolu oyunun 59-cu, "Perspolis"in qolu isə 87-ci dəqiqəsində qeydə alınıb.

Yerli media fəallarının məlumatlarına görə, stadiona 90 min nəfərdən çox azərbaycanlı azarkeş toplaşıb.

Oyun başlamadan əvvəl azərbaycanlı azarkeşlər "türk dilində mədəsə, olmalıdır hər kəsə", "Azərbaycan var olsun, istəməyən kor olsun" şüarları səsləndiriblər.