Əvvəlcədən xəbər verilmədən Təbrizin əksər çörək sexləri və mağazalarında müxtəlif növ çörəklərin qiyməti 25% bahalaşıb.

Gunaz.tv

Bu barədə Təbrizin "Azərəncümən" nəşri məlumat yayıb.

Bildirilib ki, qiymət artımı barədə rəsmi dövlət qurumları və başqa əlaqədar təşkilatlar əvvəlcədən xəbər verməyiblər.

Qeyd edək ki, bir neçə gün əvvəl ölkənin 10 əyalətində çörək qiymətləri bahaşalıb.

Son 1 ildə bu ikinci qiymət artımıdır və 2023-cü ildə də İranın 14 əyalətində çörəyin qiyməti 40% bahalaşıb.

Bundan sonra baş verən etirazlara cavab olaraq o vaxtkı prezident İbrahim Rəisi bunun bir daha baş verməyəcəyi barədə söz verib, ancaq onun bu vədi özünü doğrultmayıb.

İranın keçmiş iqtisadiyyat naziri Ehsan Xanduzxi qiymət artımının əyalət məsullarının təklifi və Daxili İşlər Nazirliyinin təsdiqi ilə həyata keçirildiyini deyib.