Ermənistan bilərək və ya səhvən Araz çayının yuxarı hissəsində yerləşən mədənlərin çirkli suları və tullantılarını Araz çayına axıdaraq ekoloji problem yaradır.

Gunaz.tv

Bunu Şərqi Azərbaycan əyalətinin Mülki Müdafiə Mərkəzinin başçısı Məhəmməd Beyg deyib.

O, Araz çayın çirkləndirilməsinin hazırkı vəziyyəti barədə konkret fikir bildirməkdən yayınıb və deyib ki, ola bilsin bu hal-hazırda da baş verir.

Bir neçə gün əvvəl isə İran parlamentinin üzvü Süməyyə Rəfiyi Ermənistanın Araz çayını çirkləndirməsinin təhlükəli səviyyəyə çatdığını deyib və İran Xarici İşlər Nazirliyi, İranın Ermənistandakı səfirindən bununla bağlı qəti addımlar atmağı istəyib.

Bununla yanaşı Mərənd şəhərinin İran parlamentindəki nümayəndəsi Məhəmməd Həsənnəjad da Araz çayında baş verən ekoloji problemlə bağlı xəbərdarlıq edib.

Həsənnəjad Ermənistanın zəhərli tullantıları Araz çayına axıtdığını və İran tərəfinin iki ölkə arasında münasibətlərin korlanmaması üçün buna göz yumduğunu bildirib.

O, bu səbəbdən Araz çayının cənub sahilində kənd tədərrüfatının ziyan gördüyünü və xərçəng xəstəliyinin artdığını deyiblər.