Təbrizin İmam Rıza xəstəxanasında xüsusi qayğıya ehtiyacı olan xəstələr məcburi evə buraxılıb

Gunaz.tv

Məlumatlı mənbələrin bildirdiyinə görə, iyunun 16-da bədbəxt hadisə nəticəsində xəstəxanaya yerləşdirilən bu xəstəxananın Əli Məhəmmədzadə adlı pasiyentinə müalicə prosesi başa çatdırılmamış evə buraxılması üçün təzyiq edilib.

Onun oğlu, Azərbaycan Milli Hərəkatının fəallarından olan Məhəmməd Məhəmmədzadə atasının son vəziyyəti barədə sosial mediada paylaşım edərək kömək istəyib. O, atasının və digər xəstələrin sağlamlığı üçün mümkün risklərlə bağlı narahatlığını qeyd edib və bu xəstələrin məcburi xəstəxanadan çıxarılmasının onların həyatlarını təhlükə altına sala biləcəyini vurğulayıb.