Vətəndaşlıq qeydiyyatı təşkilatı 5 aydır Əhər şəhərindən olan Turhan adlı azərbaycanlı uşağa doğum haqqında şəhadətnamə verməkdən imtina edir.

Gunaz.tv

Turhanın əmisi Hadi Rəhməti Balamın Adı kampaniyasına bubarədə danışıb:

“Uşaq 2024-cü il may 25-də dünyaya gəlib və valideynləri onun üçün Turhan adını seçiblər. Amma Əhərin vətəndaşlıq vəziyyəti aktları rəsmiləri ona doğum haqqında şəhadətnamə verə bilməyəcəklərini açıqladılar, çünki bu ad türk adıdır və Turhan ad seçim sistemində yoxdur”.

bu səbəbdən Turhanın ana-atatsı Vətəndaşlıq vəziyyəti aktlarının qeydiyyatı şöbəsinə şikayət edib. Məhkəmə iki dəfə iclas keçirərək bu ailənin əleyhinə qərar çıxarıb. Rəsmilər deyirlər ki, əyalətdən onlara deyiblər ki, bu ad məqbul deyil, başqa ad seçməlisiniz. Bu süründürməçilik nəticəsində Turhan 5 aydır doğum haqqında şəhadətnaməsiz qalıb və valideynləri bu səbəbdən bir çox problemlərlə üzləşib.

Qeyd edək ki, Türk dilində və mədəniyyətində Turhan əsilzadə və nəcib insan deməkdir və Təbrizdə doğulmuş, İngiltərə universitetlərində professor olan Turxan Gənceyi Azərbaycan tarixi və ədəbiyyatının böyük simalarındandır.

Xatırladaq ki, vətəndaşlıq vəziyyəti aktlarının qeydiyyatı təşkilatı “icazə verilən adlar” adı altında adlar siyahısı seçərək qurumun “ad seçim sistemi”nə yerləşdirib. Məhdud sayda türk adları bu siyahıya daxil edilib və orada qeydə alınmayan çoxlu sayda türk adları “qadağan olunmuş adlar” sayılır və onlara doğum şəhadətnaməsi verilmir.