Yanvarın 22-də Şərqi Azərbaycan əyalətinin Rabitə və Telekommunikasiya şirkətinin müqaviləli işçiləri etiraz aksiyası keçiriblər.

Gunaz.tv

Bu barədə insan haqları təşkilatları məlumat yayıb.

Etirazçılar Şərqi Azərbaycan əyalətinin Təbrizdəki Mərkəzi Telekommunikasiya İdarəsinin qarşısına toplaşıblar.

Onlar əmək haqlarının ödənilməməsinə, siğorta və qanunla nəzərdə tutulmuş başqa hüquqlarının təmin olunmamasına etiraz ediblər.

3 gündür işi dayandıran narazı işçilər, illərdir rəsmi işçilərlərlə müqayisədə daha çox işlədiklərinə baxmayaraq, əmək haqqı və müavinətləri arasında böyük fərq olduğununu deyiblər.

"Müqavilə ilə işlədiyimiz üçün iş təminatımız yoxdur və istənilən vaxt qovula bilərik. 2 ildir problemin həlli və rəsmi işə götürüləcəyimiz barədə verilən vədlər yerinə yetirilməyib",- onlar əlavə ediblər.

Onlar hüquqlarının tələbi ilə bağlı etiraz aksiyaları keçirdklərinə görə, şirkət rəhbərliyinin işçiləri tərəfindən müqavilələrin ləğvi və işdən qovumaqla hədələndiklərini bildiriblər.