İdmançı və Azərbaycan milli hərəkatının fəalı Kərim İsmayılzadə Azərbaycanın Traxtur komandasına dəstək verən qızların türklərə qarşı irqçi təhqirlərə cavab olaraq ağızlarını lentlə bağlaması haqqında danışıb.

Gunaz.tv

Kərim İsmayılzadə iranlı “Persepolis” azarkeşlərinin təhqirlərinə öz İnstaqram səhifəsində video yerləşdirərək cavab verib. O, bu videoda Traxturçu qızların hərəkətini təqdir edib və bildirib ki, qızlarımızın ağzını lentlə bağlaması bizim faşizmlə heç bir əlaqəmiz olmadığını bildirir və arxayın olun ki, Bakıda məhkəmə qarşısında mühakimə olunan erməni faşistləri kimi İranşəhr faşistləri də yaxın vaxtlarda mühakimə olunacaq.

Xatırladaq ki, İranın dövlətə məxsus “Perspolis” komandasının fanatlarının türklərə ünvanladığı irqçi təhqirlər türklər arasında geniş etiraz və qəzəb doğurub.

Bununla bağlı dünən İranın Sosial İş üzrə Elmi Dərnəyinin rəhbəri Doktor Mustafa Əqlimə Anadolu Agentliyinə açıqlamasında “Ölkədə irqi və etnik təhqirlər artıb, stadionlarda irqçi şüarların səslənməsi fəlakətli haldır” deyib.