Şərqi Azərbaycan əyalətinin Rabitə və Telekommunikasiya şirkətinin müqaviləli işçiləri fevralın mayın 13-də növbəti dəfə etiraz aksiyası keçiriblər.

Gunaz.tv

Bu barədə Azad İşçilər Birliyi məlumat yayıb.

Şərqi Azərbaycan əyalətinin Təbrizdəki Mərkəzi Telekommunikasiya İdarəsinin qarşısına toplaşan etirazçılar əmək haqlarının ödənilməməsinə, siğorta və qanunla nəzərdə tutulmuş başqa hüquqlarının təmin olunmamasına etiraz ediblər.

Narazı işçilər, illərdir rəsmi işçilərlərlə müqayisədə daha çox işləmələrinə baxmayaraq, əmək haqqı və müavinətləri arasında böyük fərq olduğununu deyiblər.

Onlar iş təhlükəsizliyinin təmin edilməməsindən, işəgötürənlər tərəfindən sığorta haqqının ödənilməməsindən şikayətlənib, qanunda nəzərdə tutulmasına baxmayaraq, dərman və müalicə xərclərinin ödənilməməsini bildiriblər.

Azərbaycanlı işçilər deyiblər ki, hüquqlarının tələbi ilə bağlı etiraz aksiyaları keçirdklərinə görə, şirkət rəhbərliyi tərəfindən müqavilələrin ləğvi və işdən qovumaqla hədələnirlər.