Ölkənin şimal qərbinə daxil olan toz fırtınası və hava çirkliliyi səbəbindən Təbriz başda olmaqla Şərqi Azərbaycan əyalətinin bütün təhsil ocaqları tətil elan edilib.

Gunaz.tv

Bu barədə əyalət valiliyinin Böhrani İdarəetmə Mərkəzi məlumat yayıb.

Bununla yanaşı hava çirkliliyinə görə Urmu və Zəncan şəhrlərində də dərslərin onlaine keçirilməsi qərara alınıb.

Hazırda Təbrizdə hava çirkliliyinin səviyyəsi 427 mikroqram/kubmetr olmaqla bütün yaş qrupları üçün təhlükəlidir.

Hesablamalara görə, havanın çirklənmə göstəricisi 0-dan 50 mikroqram/kubmetrə qədər təmiz, 50-dən 100-ə qədər sağlam, 100-dən 150-ə qədər qeyri-sağlam və həssas yaş qrupları üçün təhlükəli, 150-dən 200-ə qədər isə bütün yaş qruplar üçün qeyri-sağlam, 200 mikroqram/kubmetrdən çox göstərici isə kritik hava çirkliliyi vəziyyətini göstərir.