Dünən Əhvazda "Traxtur" komandasının çempionluq kubokunun verilməsi mərasimində rəsmilər iştirak etməyib.

Gunaz.tv

Bu barədə Təbrizin "Azərəncümən" nəşri məlumat yayıb.

Bildirilib ki, bundan əvvəlki kubok təqdimatlarında idman naziri, Futbol Federasiyasının sədri və başqa əlaqədar dövlət qurumlarının başçıları iştirak etsələr də, onlar bu dəfə Təbriz təmsilçisinin çempionluq mərasiminə qatılmayıblar.

Təbriz nəşri bu xəbəri "Traxturun məzlum çempionluq bayramı" başlığı ilə yayıb.

Qeyd edək ki, dünən axşam "Traxtur" və "İstiqlal-e Xuzistan" komandalarının qarşılaşması az sayda azarkeşin iştirakı ilə keçirilib.

İran Futbol Federasiyası və təhlükəsizlik orqanlarının birgə əməyi nəticəsində Təbriz təmsilçisinin mövsümün son oyununu keçirdiyi "Qədir-e Əhvaz" stadionun azarkeşlər buraxılmayıb.

"Traxtur"a kubok təqdim olunandan sonra isə Urmiya, Zəncan, Ərdəbil, Təbriz, Tehran, Miyana, Qoşaçay və başqa şəhərlərdə azərbaycanlılar küçələrə axışıb, şənlik ərasimləri keçiriblər.