Antalyada keçirilən Yörük-Türkmən mədəniyyət festivalı “Gök Türklər” musiqi qrupunun konserti ilə başa çatıb.

Gunaz.tv

İfa çərçivəsində qrupun solisti Bilge Kağan Kara Azərbaycanın Traxtur komandasının azarkeşlərini səhnəyə dəvət edib. Bu zaman Güney Azərbaycandan olan tamaşaçılar sənətçiyə Traxtur komandasının şalını hədiyyə ediblər.

Bağlanış mərasimində tamaşaçıların alqışları altında Traxtur komandasının bayrağı və Güney Azərbaycanın milli mübarizə bayrağı dalğalanıb.

Azərbaycanlı Traxtursevərlərin pavilyonu da festival zamanı ziyarətçilər tərəfindən geniş rəğbətlə qarşılanıb və Güney Azərbaycanın milli kimliyini və mübarizəsini tanıdan mərkəzə çevrilib.