Ətraf mühit fəallarının yaydığı yeni görüntülər və məlumatlar göstərir ki, Urmu gölünün keçən il hələ də su olan quzey hissəsi indi tamamilə quruyub.

Gunaz.tv

Ətraf mühit fəalı Mohsen Qasid 2025-ci ilin iyun ayında Urmu gölünün hazırkı durumunun görüntülərini dərc edərək gölün quruması prosesinin sürətləndirilməsi ilə bağlı xəbərdarlıq edib. Peyk və çöl görüntülərinin müqayisəsi göstərir ki, ötən ilin iyun ayında gölün 35 santimetrə qədər su olan quzey hissəsinin böyük hissələri indi tamamilə quruyub.

Yayımlanan görüntülər arasında əvvəllər dayaz su içində qalan və hazırda tamamilə quru ilə əhatə olunmuş “Həmzə” gəmisinin vəziyyəti böhranın şiddətinin simvolu kimi qeyd edilib.

İran rəsmilərinin Urmu gölünün qəsdən qurudulması fəlakətinin simvollarından birinə çevrilən bu gəmiyə İran bayrağını sancması diqqət çəkir.