Təbrizdə Vətəndaşlıq Vəziyyəti Qeydiyyatı İdarəsinin əməkdaşları “Hayal” adlı azərbaycanlı körpəyə doğum haqqında şəhadətnamə verməkdən imtina edərək, 68 gündür ki, doğum haqqında şəhadətnaməsiz saxlayırlar.

Bu barədə uşağın anası Mina Səfəvi Balamın Adı kampaniyasına danışıb.

"Qızımız 2025-ci il mayın 1-də dünyaya gəlib və biz ona "Hayal" adını seçdik. Vətəndaşlıq Vəziyyəti Qeydiyyatı İdarəsinin əməkdaşları isə bu ada doğum haqqında şəhadətnamə verə bilməyəcəklərini qeyd etdilər. Bundan sonra biz Vətəndaşlıq vəziyyəti aktları idarəsindən məhkəməyə şikayət etdik, məhkəmədən çıxan qərarda isə hakim “Türkyə adları bizim qırmızı xəttimizdir” dedi. Bundan sonra biz məhkəmənin qərarından apellyasiya şikayəti vermişik və apellyasiya şikayətini gözləyirik." - deyə Mina Səfəvi xanım bildirib.

Məsələ ilə bağlı hüquq fakültəsi məzunu Məhəmməd Şükri Astamal vurğulayır ki, eyni dil və mədəniyyətə malik ölkələrdə türk adlarının işlədilməsi yad mədəniyyətin təbliği əlaməti ola bilməz, çünki türklər arasında yüzlərlə ortaq ad var.

Gunaz.tv