Təbriz Vətəndaşlıq Qeydiyyatı İdarəsinin əməkdaşları türk-ərəbcə “Əlihan” adlı azərbaycanlı körpəyə doğum haqqında şəhadətnamə verməkdən imtina edir və körpəni 51 gündür doğum haqqında şəhadətnaməsiz saxlayırlar.

Gunaz.tv

Bu haqda uşağın atası Balamın Adı kampaniyasına danışıb.

"Uşağımız 7 iyun 2025-ci ildə dünyaya gəlib və biz ona Əlihan adını seçmişik, ancaq Təbriz Vətəndaşlıq Qeydiyyatı İdarəsinin əməkdaşları bizə bu ada oğum haqqında şəhadətnamə verə bilməyəclərini bildiriblər. Daha sonra onlar bizə bu məsələlərə Tehranın qərar verdiyini, şikayətimizi ora yönləndirməli olduğumuzu dedilər. Artıq 51 gündür ki, övladımız vəsiqəsiz qalıb və biz sığorta xidmətlərindən istifadə edə bilmirik." - deyə o bildirib.

Qeyd edək ki, 2021-ci ildə Əlihan adı Şərqi Azərbaycan əyalətindəki beş ən çox qoyulan addan biri olub. İndi isə bu adın qoyulmasına süni maneələr törədilir.