6 avqust 2025-cü il çərşənbə günü səhər saatlarından Təbriz Kəşfiyyat İdarəsinə çağırıldıqdan sonra həbs edilən azərbaycanlı rəssam Xanım Aşkin imami saatlarla davam edən sorğu-sualdan sonra cümə axşamı səhər sərbəst buraxılıb.

Gunaz.tv

Həbs məhkəmənin qərarı olmadan və qeyri-müəyyən şəraitdə baş tutub.

Sənətçiyə yaxın mənbələr onun vəkilsiz saatlarla davam edən intensiv sorğu-sualdan sonra cümə axşamı səhər buraxıldığını açıqlayıb.

Xanım imaminin həbsindən sonra onun 45 minə yaxın izləyicisi olan İnstaqram səhifəsi də əlçatmaz olub və təhlükəsizlik orqanları tərəfindən tamamilə müsadirə edilib. Səhifədə əvvəlki bütün yazılar silinib, onun istifadəçi adı və profil şəkli də dəyişdirilib.

Bu hadisədən bir neçə gün əvvəl təhlükəsizlik agentləri məhkəmə qərarı olmadan xanım imaminin evinə basqın ediblər. Bu basqın zamanı onun şəxsi əşyaları, o cümlədən mobil telefonu və noutbuku götürülüb.