Urmu gölünün quruma səbəbləri arasında çox sayda quyunun qazılması da əhəmiyyətli yer tutur.

Gunaz.tv

Son məlumatlara görə, Urmu gölünün su hövzəsindəki yanlış siyasətlər ərazidə 89 mindən çox quyunun qazılmasına səbəb olub.

Həmin qiyuların 75 mindən çoxunun qanunsuz olduğu bildirilib.

Bəzi mənbələr quyuların sayının hətta 140 min civarında olduğunu təxmin edir, onlardan 107 minin gölün 50 kilometrliyində yerləşdiyini qeyd edirlər.

Bu quyular vasitəsilə yeraltı su ehtiyatlarının həddindən artıq çıxarılması suyun səviyyəsinin azalmasına, quraqlığın şiddətlənməsinə və Urmu gölünün bərpa prosesinin dayandırılmasına səbəb olan əsas amillərdən biridir.

Qeyd edək ki, Urmu gölünün minimum ekoloji su həcmi 15 milyard kubmetr, maksimum ekoloji su həcmi isə 30 milyard kubmetr olmalıdır.

hazırda göldə 500 milyon kubmetr su mövcuddur. Ekoloqlar həmin suyun da yayın sonuna kimi tamamilə quruyacağını bildirirlər.