Dünən sentyabrın 24-də Təbrizin "Traktor" komandasının ilk baş məşqçisi İsmayıl Haşimi dünyasını dəyişib.

Gunaz.tv

Bu haqda Təbriz mediası məlumat yayıb.

1937-ci ildə Təbrizdə anadan olan İsmayıl Haşimi, 1954-cü ildə futbola başlayıb.

"Traktor" komandasının qurulmasından əvvəl Təbrizin "Tac" və "Şahin" komandalarında çıxış edib.

1970-ci ildə "Traktor" komandası qurulub və İsmayıl Haşimi komandanın ilk baş məşqçisi seçilib.

O, qısa müddət ərzində Təbriz təmsilçisini İranda ən güclü komandalar səviyyəsinə qaldırıb.

Haşimi sonrakı illərdə Təbrizin bir neçə komandasına da baş mşqçilik edib.