Bir qrup Həmədan sakini və tələbəsi bazar ertəsi Bu Əli Sina Universitetinin qarşısında bir qrup iraqlı tələbənin davranışına etiraz olaraq etiraz eyləmi keçirib.

Gunaz.tv

Yerli mənbələrin məlumatına görə, eyləm iştirakçıları “İraqlı tələbə qovulmalıdır”, “Biz Həmədaniyik, zilləti qəbul etmərik” kimi şüarlar səsləndirərək, bu tələbələrin dərhal universitetdən qovulmasını istəyiblər.

Mitinqdə iştirak edənlər iddia edirlər ki, universitetdə bir sıra iraqlı tələbələr son günlər qız tələbələrə cinsi təcavüz edib və bu məsələ şəhərdə ictimaiyyətin qəzəbinə səbəb olub.

Təhlükəsizlik qüvvələri izdihamı dağıtmaq üçün su şırnaqlarından istifadə edib, lakin şahidlərin sözlərinə görə, etirazçılar şüarlar səsləndirərək etirazlarını davam etdiriblər. Bu Əli Sina Universiteti və ya İran rəsmiləri etirazlara hələ ki, rəsmi cavab verməyib.

Qeyd edək ki, Son illərdə İraq milis qruplarına bağlı xeyli sayda tələbə hökumətin təqaüd proqramları vasitəsilə İran universitetlərində təhsil alıb və onların Urmiya və Təbriz şəhərlərində olması da son həftələrdə etirazlarla qarşılanıb.