Şərqi Azərbaycan əyalətinin Hava Çirklənməsi üzrə Təcili İşçi Qrupunun qərarına əsasən, Binab, Tufarqan, Əcəbşir və Üçqaya rayonlarındakı məktəblər bağlanıb.

Gunaz.tv

Xəbəri Şərqi Azərbaycan Qubernatorluğunun İnkişaf Məsələləri üzrə Koordinatorunun müavini açıqlayıb.

Şərqi Azərbaycan Qubernatorluğunun Ümumi İctimaiyyətlə Əlaqələr Departamentinin məlumatına görə, Təbriz və digər rayonlardakı məktəblər açıq olacaq və universitetlərin, ali təhsil mərkəzlərinin və ofislərin fəaliyyəti adi qaydada davam edəcək.

30 Noyabrda Jamaran xəbər saytına verdiyi müsahibədə ətraf mühit mütəxəssisi İsmayıl Kəhrom temperatur inversiyasının qışın sonuna qədər davam edəcəyini bildirib. O hava çirkliliyinin əsas səbəbinin dizel yanacağından istifadə olduğunu qeyd edib.

O, həmçinin havanın təmizlənməsində mühüm rol oynayan meşələrin sürətlə məhv edildiyi barədə xəbərdarlıq edib.