Həmədanlı Azərbaycanlı gənc rejissor Cavad Gənci İran İslam Respublikası rejiminin təhlükəsizlik qüvvələrinin açdığı birbaşa atəş nəticəsində həyatını itirib.

Gunaz.tv

39 yaşlı Cavad Gəncinin cümə günü, 9 yanvar tarixində Tehranın Sadiqiə (Sadeghiyeh) bölgəsində keçirilən küçə etirazları zamanı öldürüldüyü bildirilir.

Məlumata görə, Cavad Gənci etirazlar zamanı hökumət qüvvələrinin birbaşa atəşinə tuş gəlib və hadisə yerində həyatını itirib.

Cavad Gənci kino və televiziya sahəsində rejissor və rejissor köməkçisi kimi fəaliyyət göstərib, uzun illər müxtəlif kino və televiziya layihələrinin rejissorluq və planlaşdırma qruplarında çalışıb və peşəkar səhnəarxası əməkdaşlardan biri kimi tanınıb.

Qeyd edək ki, Tehranın Kəhrizək məhkəmə-tibbi ekspertiza binasından yayımlanan videolarda yüzlərlə cəsədin üst-üstə yığıldığı, habelə yaxınlarının cəsədlərini axtaran çoxsaylı şəxslərin türkcə danışdığı müşahidə olunur. Bu görüntülər etirazların yatırılması zamanı öldürülənlərin əhəmiyyətli hissəsinin türk mənşəli vətəndaşlar olduğunu göstərir.