İranda dolların məzənnəsinin rekord həddə- 20 min tümənə yüksəldiyi barədə məlumatlar yayılıb.
Bu rəqəm İran tarixində dolların məzənnəsinin ən yüksək həddi hesab edilir.
Qeyri-rəsmi mənbələr dolların atış məzənnəsini 20030 tümən, valyuta xəbərləri yayan saytlar isə 19950 tümən göstərirlər.
İyunun 21-də İranın rəsmi pul vahidi riyal da valyutada müşahidə olunan kəskin bahalaşma nəticəsində dollar qarşısında ən aşağı həddə düşmüşdü.
Həmçinin avro da rekord səviyyə yüksələrək, 22400 tümən qarşılığında müamilə edilib. Qızıl sikkənin dəyəri isə 8 milyon 400 min tüməni keçib.
Yaranmış vəziyyətlə əlaqədar İran Mərkəzi Bankının sədri və İqtisadiyyat nazirinin də iştirakı ilə Milli Məclisin İqtisadiyyat Komissiyasında təcili iclasın keçirildiyi deyilir.