Gənclər və İdman Nazirliyinin və Azərbaycan Voleybol Federasiyasının birgə təşkilatçılı ilə Azərbaycan Voleybol Mərkəzində keçirilən dövlət qurumları arasında voleybol yarışlarına yekun vurulub. Yarışlarda iştirak edən FHN-in həm qadın, həm də kişilərdən ibarət yığma komandaları ən yüksək nəticə göstəriblər.

Bu barədə APA-ya FHN-in mətbuat xidmətindən məlumat verilib.
Belə ki, dairəvi sistem üzrə mübarizə aparan FHN-in qadınlardan ibarət “Xilasedici” komandası bütün görüşlərdə qalib gələrək fəxri kürsünün ən yüksək pilləsinə qalxıb.

Nazirliyin kişilərdən ibarət eyniadlı - “Xilasedici” voleybol komandası da qrup şəklində mübarizə apararaq bütün rəqiblərinə qalib gəlib və turnirin çempionu adını qazanıb.

Qaliblərə Gənclər və İdman Nazirliyinin diplom və medalları təqdim olunub.