"Sabah" kifayət qədər yaxşı təşkilatlanmış komandadır.

AZƏRTAC xəbər verir ki, bu sözləri Bolqarıstanın “Levski” klubunun baş direktoru Daniel Borimirov komandasının UEFA Konfrans Liqasının III təsnifat mərhələsinin ilk oyununda “Sabah” üzərində 1:0 hesablı qələbə qazanması barədə danışarkən deyib.

Funksioner Sofiya təmsilçisinin layiqli qələbə qazandığını bildirib: “Amma bu gündən cavab matçına hazırlaşacağıq. Bakıda da qələbə qazanmaq istəyirik. Bu, bizim üçün vacibdir. Komanda olaraq 100 dəqiqə ərzində tempi aşağı salmadıq. Rəqib isə son dəqiqələrdə daha çox vaxt aparmağa çalışırdı. Eyni anda üç futbolçusu yerə yıxılmışdı. Bu, müasir futbolda baş verməməlidir”.

Qeyd edək ki, komandalar arasında cavab görüşü avqustun 14-də Bakıda təşkil olunacaq.