DÇ-2022-nin seçmə mərhələsi davam edir.

Apasport.az saytının məlumatına görə, Cənubi Amerika zonasında V turun oyunlarına start verilib.

Turun ilk günü Argentinanın növbəti xal itkisi ilə əlamətdar olub. Lionel Messi və komanda yoldaşları yenə də Çili ilə bacarmayıb. Son illərdə bu rəqibə qarşı sindrom yaşayan “gümüşü ölkə” təmsilçisi Messinin penaltisi ilə hesabı açsa da, Aleksis Sançes hesabda tarazlıq yaradıb.

Daha bir adlı-sanlı komanda Uruqvay da evdə xal itirib. İkiqat dünya çempionları Paraqvayla qolsuz sülhə imza atıb.

İlk qələbəsini Venesuela üzərində qazanan Boliviya son pilləni tərk edib. Bu mövqeyə Kolumbiya önündə darmadağın yaşayan Peru yuvarlanıb.

Qeyd edək ki, tura bu gün keçiriləcək Braziliya – Ekvador matçı ilə yekun vurulacaq.

DÇ-2022-nin seçmə mərhələsi
Cənubi Amerika zonası
V tur, 3 iyun
Boliviya – Venesuela – 3:1
Moreno, 5, 83, İbanyes, 60 – Kansellor, 26
Uruqvay – Paraqvay – 0:0
Argentina – Çili – 1:1
Messi, 23 (pen.) – Sançes, 36
Peru – Kolumbiya – 0:3
Mina, 40, Unbe, 49, Dias, 55