Xalqcebhesi.az Türkiyənin “haberglobal.com.tr” saytına istinadən xəbər verir ki, Türkiyənin ticarət naziri Ömər Bolatın sədrliyi ilə yeni dövrdə Suriya ilə iqtisadi və ticarət əlaqələri ilə bağlı palata və qeyri-hökumət təşkilatlarının nümayəndələri ilə görüş keçirilib.

Nazirlikdən verilən yazılı açıqlamada bildirilib ki, görüşün əsas gündəmi yeni dövrdə qardaş ölkə Suriyanın yenidən qurulması, tikintisi, iqtisadiyyatı və ticarətinin gücləndirilməsi üçün iş dünyasının və Türkiyənin edə biləcəyi məsələlər olub və sözügedən məsələlərlə bağlı fikir mübadiləsi aparılıb.

Tədbirdə həmçinin Suriyada yeni dövrdə əsas prioritetlərdən biri ölkənin ən qısa zamanda təhlükəsizlik və sülhü bərqərar edən davamlı milli birlik və dövlət quruluşunun ən yaxın zamanda yaradılması olduğu vurğulanıb.