“Qeyri-neft-qaz sektorunun 2,6 faiz artmasına baxmayaraq ümumilikdə iqtisadi artım ona görə 1,5 faiz təşkil edib ki, çünki neft sektoru kiçilib”.

Bunu xalqcebhesi.az-a iqtisadçı ekspert Xalid Kərimli deyib.

X.Kərimli əlavə edib ki, neft sektorunda 1,2 faiz kiçilmə olub: “Neft-qaz sektoru ümumi iqtisadiyyatın əsas komponentlərindən biridir, iqtisadiyyatın üçdə biri orada formalaşır. Ümumi şəkildə də iqtisadi artımımız ləngiyib. İkincisi, neft-qaz sektorunu artırmaq imkanlarımız məhduddur. Çünki neft hasilatı azalır, qazda da boru xəttimizin həcmi məhduddur. Yəni o hasilatı artırmaq imkanlarımız məhduddur. Çıxış yolu isə odur ki, qeyri-neft-qaz sektorunu inkişaf etdirməliyik. Yəni faktiki iqtisadi artımımızı sürətləndirmək üçün qeyri-neft-qaz sektoru inkişaf etməlidir, qeyri-neft-qaz ixracı artmalıdır”.

Röya İsrafilova