Rusiya qoşunları PUA istehsal edən Ukrayna hərbi-sənaye kompleksi müəssisələrinin sexlərinə qrup şəklində raket zərbəsi endiriblər.

APA-nın Moskva bürosu xəbər verir ki, bu barədə Rusiya Müdafiə Nazirliyi məlumat yayıb.

Bildirilib ki, Rusiya hərbçiləri bu gün səhər saatlarında Ukraynanın hərbi sənaye kompleksinin pilotsuz uçuş aparatları istehsal edən müəssisələrinə qrup şəklində raket zərbəsi endirib. Zərbələrin məqsədlərinə çatdığı qeyd olunub.

Bundan başqa, Ukrayna Silahlı Qüvvələrinin aerodromlarına və yanacaq anbarlarına da raket zərbələri endirildiyi bildirilib.