Rusiya xarici işlər naziri Sergey Lavrov “Gələcəyin Forumu — 2050” tədbirində çıxışı zamanı bəyan edib ki, NATO ən dərin böhran içindədir, ATƏT isə tamamilə dağılmış vəziyyətdədir.

Xalqcebhesi.az xəbər verir ki, onun sözlərinə görə, bu təşkilatlar artıq “ümumqitəvi forum boşluğunu doldurmaq iddiasında belə ola bilməzlər”.

“ATƏT demək olar ki, tamamilə dağıdılıb. Konsensus anlayışı tapdanıb. NATO isə ən dərin böhrandadır,” — deyə diplomat vurğulayıb.

Bundan əvvəl Rusiya Prezidentinin mətbuat katibi Dmitri Peskov da bildirmişdi ki, Şimali Atlantika Alyansı bütün maskalarını ataraq özünü aqressiya və qarşıdurma aləti kimi göstərib. Kreml nümayəndəsi əlavə edib ki, Rusiya bu alyansın ekspansionist addımlarına cavab vermək məcburiyyətində qalacaq.

Məryəm Quliyeva