İran Prezidenti Pəzəşkiyan İraqı hava məkanına nəzarəti gücləndirməyə çağırıb.

İran Prezidenti Məsud Pəzəşkiyan, İsrailin mümkün hücumlarının qarşısını almaq məqsədilə İraqın hava məkanına nəzarəti gücləndirməsini istəyib.

Xalqcebhesi.az xəbər verir ki, bu barədə TASS məlumat yayıb.

Prezident Pəzəşkiyan bu çağırışı İraqın Baş naziri Məhəmməd Əs-Sudani ilə telefon danışığı zamanı səsləndirib.

“İraq hökumətinin daha məsuliyyətli davranması və sərhədlərini, eləcə də hava məkanını qoruyaraq, İraq ərazisinin İran İslam Respublikasına qarşı hücumlar üçün istifadə olunmasına imkan verməməsi vacibdir,” – deyə bəyanatda bildirilir.

Məryəm Quliyeva