2023-cü il oktyabrın 7-dən İsrailin Qəzza zolağına hücumları nəticəsində 59 mindən çox fələstinli həlak olub.

Birləşmiş Millətlər Təşkilatının Uşaq Fondu (UNICEF) Qəzzada baş verən hadisələrlə bağlı sosial mediada açıqlama yayıb.

Qəzzada uşaqların və böyüklərin aclıqdan öldüyü bildirilən açıqlamada "Uşaqlar arasında qida çatışmazlığının ölümcül səviyyələri fəlakətli həddə çatır. Qida təhlükəli dərəcədə yetərsiz, təmiz su təcili vəziyyət həddinin altına düşüb" deyə xəbərdarlıq edilib.

Açıqlamada humanitar yardıma çıxışın ciddi şəkildə məhdudlaşdırılması və onun yaratdığı ciddi təhlükəsizlik riskləri vurğulanıb: "Bu, insan əli ilə ortaya çıxan bir fəlakətdir. Artıq yetər!”.

Açıqlamada eləcə də BMT-nin ehtiyacı olan ailələrə geniş miqyasda hər cür yardım göstərməsinə icazə verilməli olduğu vurğulanıb.