Cənubi Amerika ölkəsi Ekvadorda ralli maşınının izdihamın üzərinə sürməsi nəticəsində 2 nəfər ölüb, 18 nəfər yaralanıb.

Xalqcebhesi.az xəbər verir ki, Ekvadorun Ambato şəhərində təşkil olunan "Vuelta a la República" rallisi faciəyə səbəb olub.

Ralli sürücüsü finiş xəttinə bir neçə metr qalmış avtomobilin idarəetməsini itirərək yolun kənarındakı tamaşaçıların üzərinə sürüb.

İki nəfərin ölümü, 18 nəfərin yaralanması ilə nəticələnən an həvəskar kameralara düşüb.

Məryəm Quliyeva