Nigeriyanın şimal-qərbində yerləşən Zamfara əyalətində dəstə üzvləri Zamfaranın 16 ayrı bölgəsində silahlı hücumlar həyata keçirib.

Xalqcəbhəsi.az “A haber”ə istinadla bildirir ki, hücumlarda 5 nəfər ölüb, 50 nəfər qaçırılıb.

Bildirək ki, Nigeriya uzun müddətdir ölkənin müxtəlif bölgələrində silahlı dəstələrin, həmçinin terror təşkilatları Boko Haram və İŞİD-in Qərbi Afrika qolu olan ISWAP-ın hücumları ilə üzləşir.
Ölkədə adam oğurluğuna görə ölüm cəzası olsa da, fidyə müqabilində adam oğurluğu hallarına rast gəlinir.

Silahlı şəxslər adətən ölkənin şimalındakı kəndləri, məktəbləri və səyahətçiləri hədəf alaraq fidyə tələb edir.