Yəmənin Əhvar bölgəsi sahillərində qeyri-qanuni miqrantları daşıyan qayıq aşıb.

Səlahiyyətlilər qəzada ən azı 54 nəfərin öldüyünü, onlarla insanın isə itkin düşdüyünü açıqlayıb.

Yəmənin Səhiyyə rəsmisi Əbdül Qadir Bajameel bildirib ki, qayıqda təxminən 150 nəfər olub və 9 efiopiyalı və bir yəmənli olmaqla 10 nəfər xilas edilib.

İtkin düşən miqrantların tapılması üçün axtarış-xilasetmə işləri davam edir.